ከመነሻው!
በ1928 ዓ.ም. በጅግጅጋ ከተማ የተወለዱት ፕሮፌሰር አክሊሉ ለማ የመጀመሪያ ዲግሪያቸውን በአዲስ አበባ ዩኒቨርሲቲ
ካገኙ በኋላ በአሜሪካ አገር ከሚገኘው ጆን ሆብኪንስ ዩኒቨርሲቲ የዶክትሬት ዲግሪያቸውን ተቀብለዋል።
ፕሮፌሰር አክሊሉ ለማ ለስራ ጉብኝት ወደ ሰሜኑ የኢትዮጵያ ክፍል ለስራ በተንቀሳቀሱበት ወቅት የአገሬው ሰዎች በእንዶድ
የሚያጥቡበት አካባቢ ብዙ ቀንዳውጣዎች ሞተው በማየታቸው እንደመነሻ ሃሳብ በመውሰድ ከዶ/ር ለገሠ ወልደዮሐንስ ጋር በመተባበር ብልሃርዚያ
ለተባለው በሽታ አምጪ ለሆነው የቀንድ ዓውጣ ለሰላሳ ዓመታት ተመራምረው "እንዶድ 44" የተባለ ማጥፊያ መድሀኒት አግኝተዋል።
ለዚህም ውጤታቸው "Right Livelihood Award" ሽልማት እና በአሜሪካን የፈጠራ ውጤት ባለቤትነት
መረጋገጫ አግኝተዋል።
መንገዳቸው አልጋ ባልጋ ያልነበረ ቢሆንም፣ ‘አንድ ጥቁር ተመራማሪ ለዚህ አጥፊ በሽታ መድኃኒት ፈበረከ’ ብሎ ማመን
ለበርካታ ነጮች ከባድ የነበረ ቢሆንም አክሊሉ ግን ሁሉን ተቋቁመው አደረጉት! የእኝህ ብርቱ ኢትዮጲያዊ የምርምር ውጤት ለበርካታ
ኢትዮጵያውያን፣ ለአፍሪካውያን እንዲሁም ለዓለም ህዝቦች መድህን ሆኗል፤ በርካቶች በጽናት ያሰቡትን እንዲያሳኩ ተግባራዊ ምሳሌ ሆነዋል፤
ዛሬም በርካታ ወጣት ኢትዮጵያውያን በአዲስ አበባ ዩኒቨርስቲ ስር በስማቸው በተቋቋመው Aklilu Lemma Institute of
Pathobiology (ALIPB) ለሰው ዘር መድህን ለመሆን እውቀት ይቀስማሉ።
የ እንዶድ ሳምንታዊ የራዲዮ መሰናዶም መነሻ የእርሳቸው ምርምር እና ፍሬው ነው።
